Isa 12 | CYM | STEP | Bryd hynny, byddi'n dweud: “Dw i eisiau diolch i ti, O Arglwydd ! Er dy fod wedi digio gyda fi, rwyt wedi troi oddi wrth dy ddig a'm cysuro.

Isaiah 12

Emyn o fawl

1 Bryd hynny, byddi'n dweud:

“Dw i eisiau diolch i ti, O Arglwydd!
Er dy fod wedi digio gyda fi,
rwyt wedi troi oddi wrth dy ddig a'm cysuro.
2 Edrychwch ar y Duw sydd wedi fy achub i! ^a
Bydda i'n ei drystio, a fydd gen i ddim ofn.
Yr Arglwydd sy'n rhoi nerth a chân i mi!
Yr Arglwydd sydd wedi fy achub i.” ^b
3 Byddwch yn codi dŵr yn llawen
o ffynhonnau achubiaeth.
4 Byddwch yn dweud bryd hynny:
“Diolchwch i'r Arglwydd, a galw ar ei enw.
Dwedwch wrth bobl y gwledydd beth wnaeth e;
Cyhoeddwch fod ei enw wedi ei godi'n uchel.
5 Canwch salmau i'r Arglwydd,
am iddo wneud peth mawr!
Gwnewch yn siŵr fod y byd i gyd
yn gwybod am y peth!
6 Bloeddiwch ganu'n llawen,
chi sy'n byw yn Seion!
Mae'r Un sydd yn eich plith yn fawr –
Un Sanctaidd Israel.”